TIP Mirdita është një program i Bashkisë Mirditë, në bashkëpunim me GIZ Albania, që mbështet të rinjtë në krijimin ose zgjerimin e sipërmarrjeve të tyre. Programi synon të fuqizojë zhvillimin ekonomik vendor, të krijojë vende të reja pune si dhe të ruajë e promovojë vlerat tradicionale, trashëgiminë kulturore dhe potencialin turistik e bujqësor të Mirditës.
Nëpërmjet një procesi konkurrues, TIP Mirdita do të identifikojë dhe mbështesë idetë më premtuese të të rinjve të zonës, që sjellin risi në fushën e turizmit, bujqësisë, blegtorisë, bletarisë dhe produkteve artizanale me identitet lokal.
Një juri profesionistësh do të vlerësojë aplikimet sipas kritereve si: inovacioni, ndikimi lokal, fizibiliteti dhe kontributi në zhvillimin e qëndrueshëm të territorit.
Aplikantët e përzgjedhur do të përfitojnë:
Nëse je një i ri apo e re mirditore dhe ke një ide inovative që mund të ringjallë traditat dhe ekonominë e zonës, ky është momenti për ta shndërruar vizionin tënd në një realitet që kontribuon në të ardhmen e qëndrueshme të rajonit!
Të nxisë krijimtarinë e të rinjve, duke i mbështetur të sjellin ide të reja në turizëm, bujqësi, blegtori dhe artizanat, që kthehen në përvoja autentike e të qëndrueshme për Mirditën.
Të gjallërojë ekonominë lokale, duke hapur rrugë për vende të reja pune, rritje të të ardhurave dhe promovim të kulinarisë, traditave dhe trashëgimisë kulturore që e bëjnë Mirditën unike.
Të forcojë lidhjet mes njerëzve,duke bashkuar sipërmarres,komunitete dhe partnerë zhvillimi për të krijuar sëbashku nje Mirditë me inovative,më të qendrueshme dhe me mikpritese.
Ky informacion përshkruan sektorët dhe temat kryesore ku idetë tuaja inovative mund të lëvrojnë për të nxitur zhvillimin e qëndrueshëm të turizmit rural.
- Përvoja kulinare dhe gastronomike (ushqime tradicionale, degustime, “nga ferma në tryezë”). Aktivitetet edukative dhe kulturore për vizitorët.
- Shërbimet e mikpritjes: bujtina, agroturizëm, ferma turistike.
- Projekte që rigjallërojnë trashëgiminë kulturore të Mirditës: folklor, kulla, legjenda, mite, zanate, art dhe histori.
- Organizimi i eventeve dhe festivaleve lokale që promovojnë identitetin e zonës.
- Artizanat dhe punime me vlerë kulturore, të modernizuara për tregje më të gjera.
- Shtigje malore dhe itinerare disa ditore.
- Ciklizëm dhe aktivitete outdoor.
- Sporte uji, kacavjerrje, hipizëm dhe aktivitete aventure në natyre.
- Itinerare tematike dhe eksperiencë, si turi i kafshëve të egra apo luleve endemike
- Kultivimi i farave autoktone dhe produkteve me potencial tregtar: vreshtari, pemtari, perime, zarzavate, farëra tradicionale, bimë mjekësore, aromatike dhe fruta të egra.
- Investime në pajisje dhe makineri për punimin e tokës dhe përpunimin agro-ushqimor.
- Zhvillim i qëndrueshëm me përdorimin e teknologjive moderne dhe praktikave mjedisore.
- Përmirësimi i racave dhe rritja e cilësisë së prodhimit.
- Prodhim artizanal dhe inovativ i produkteve blegtorale: djathë, kos, gjalpë, pastërma, etj.
- Bletari me fokus në mjaltë cilësor dhe nënprodukte të tjera, duke përdorur teknologji të reja për tregje më të gjera.
- Përpunim, paketim dhe tregtim i produkteve tradicionale me vlerë artizanale.
- Zhvillimi i markave lokale dhe krijimi i zinxhirit të plotë nga prodhimi deri te tregtimi.
Ju mund të jeni një nga idetë fituese të produkteve turistike në 7 njësitë administrative të bashkisë Mirditë duke marrë kështu financim nga 200,000 deri në 500,000 Lekë për të pilotuar idenë tuaj.
Ju do të keni mentorim profesional nga ekspertë të fushës së turizmit dhe bujqësisë gjatë gjithë procesit.
Ju do të jeni pjesë e një rrjeti sipërmarrësish, inovatorësh dhe operatorësh lokalë, të cilët punojnë për zhvillimin e qëndrueshëm të Mirditës dhe krijimin e produkteve unike me identitet lokal.
Aplikimet për t’u bërë pjesë e TIP Mirdita do të qëndrojnë të hapura nga data 17 shtator deri në datën 17 tetor 2025.
Gjate kesaj periudhe aplikantët e interesuar mund të dërgojnë pyetje ose të marrin informacion shtesë lidhur me aplikimin, kriteret apo pyetje të tjera në adresën:
